သူတုန်လှုပ်သွားသည်။ သည်ရောဂါပိုးသည် ဘယ်တုန်းကများ သူ့ ခန္ဓာကိုယ်မှာနေရာယူသွား
သည်မသိ။
သူအလုပ်မှ ရုတ်တရက် အနားယူလိုက်ရသည်။ မောင်းနှင်နေသည့် စက်တစ်လုံး
လည်ပတ်ကောင်းနေစဉ်မှာ ခါးပတ်ကြိုးပြတ်သွားသည်သို့  ဖြုန်းခနဲ။
မမျှော်လင့်ထားသော အခြေအနေတစ်ခု ရုတ်တရက်ရလာသူတိုင်း ကြောင်စီစီ ဖြစ်သွားတတ်တာအမှန်ပင်။
လက်ရှိလည်ပတ်နေသော အရှိန်အဟုန်နှင့် အကြာကြီးနေရမည်ဟု ထင်ထားတတ်ကြတာကလည်း
ဓမ္မတာမဟုတ်လား။ အခြေအနေသစ်တစ်ခုသို့  ရုတ်ချည်းပြောင်းလိုက်ရသောအခါ
ထိုအခြေအနေသစ်အတွက် ကိုယ့်ဘ၀ထဲမှာ ကိုယ့်စိတ်ထဲမှာ ဘာမှ ပြင်ဆင်ထားတာမရှိ၊
ထိုအခါ ပြင်ဆင်ထားမှုမရှိခြင်း၏ အခြေအနေကို ဒဏ်ရာဒဏ်ချက်အဖြစ် ပြင်းထန်စွာခံစားရစမြဲ။
ကျွန်တော့် သူငယ်ချင်းလည်း သည်လိုဖြစ်သွားပုံရသည်။ သူ့ အသံကို ခန့် မှန်းကြည့်ရုံနှင့် ဆောက်တည်ရာ
မရဖြစ်နေသော သူ့ စိတ်တွေကို ကျွန်တော် အထင်းသားမြင်နေရသည်။ ကျွန်တော် သူ့ ကို အားပေးရသည်။
်"ဘာမှ စိတ်မပျက်ပါနဲ့  သူငယ်ချင်းရာ၊ ငါတို့ ရှိပါသေးတယ်။ မင်းကို ငါလိုလေသေးမရှိ
ကူညီပါ့မယ်။ စိတ်အးအေးသာထား"
"စိတ်အေးအေးထားဖို့ ဆိုတာက အပြောလွယ်သလောက် အလုပ်ခက်တယ်ကွ၊ အခုငါ့စိတ်ကို
ဘယ်လိုအေးအောင် လုပ်ရမလဲ၊ အဲဒါကို ငါသိချင်တယ်"
"ဒီလိုဆိုရင် ဖုန်းထဲမှာပြောဖို့ က သိပ်အဆင်ပြေမှာမဟုတ်ဘူး။ မင်းအားရင် လာခဲ့ပါလား။ ဒါမျိုးက
အချိန်ယူပြီး သေချာပြောမှ နားလည်မှာမင်းလာနိုင်မလား"
"အေ-လာခဲ့မယ်ကွာ၊ ငါတော့ အခုစိတ်အေးတဲ့နည်းကလွဲလို့  တခြားဘာမှ မသိချင်ဘူး။
ကဲ-ငါအခုလာခဲ့မယ်။ မင်ဆက်စောင့်နေ"
သူ့ ဘက်က ဖုန်းချသွားသည်။ စိတ်မြန်ကိုယ်မြန်ကြီးဖြစ်သည်။
သြော်-သူ့ ခမျာ အရိပ်တစ်ခုခုကို ရှာနေရသည်ကိုး။ သူ့ စိတ်ငြိမ်းချမ်းဖို့  ခိုလှုံစရာအရိပ်တစ်ခုရနိုင်ဖို့ 
သူသဘောပေါက်နားလည်သည်အထိ ကျွန်တော်ရှင်းပြရပေမည်။
သူ ကျွန်တော့်ထံသို့  ကားဖြင့်လာနေစဉ်အတွင်း ကျွန်တော့်မှာ သူ့ ကို ပြောရမည့် စကားတွေကို
ရှာဖွေစုဆောင်းရသည်။ စာအုပ်စင်မှ စာအုပ်တွေကို ရှာရသည်။ တိတ်ခွေစင်မှ တရားတိတ်ခွေများကို
ရွေးချယ်ရသည်။ လတ်တလော သူနှင့်အကိုက်ညီဆုံးဖြစ်မည့် တရားစာအုပ် တရားတိပ်ခွေ။
ကျွန်တော်က ဆရာတော်ဦးဇောတိက (ပျဉ်းမနား)၏ တရားတိတ်ခွေတွေနှင့် အမြဲတစေ
ထိတွေ့ ယဉ်ပါးနေသူဖြစ်သဖြင့် ဘယ်လို စိတ်အခြေအနေဖြစ်နေသည့် ပုဂ္ဂိုလ်ဆိုလျှင်
ဘယ်တိပ်ခွေထဲက ဘယ်ဟောချက်နှင့် အံဝင်မည်ကိုပါ ခန့် မှန်းတတ်လာခဲ့သည်။
သို့ နှင့် အချိန်မဆိုင်းဘဲ အဖြေရသည်။
"နကုလမာတာကို ဘုရားဟောဖူးတာရှိတယ်။ တစ်ခဏလောက်များ ကိုယ့်ကိုယ်ကို ကျန်းမာတယ်လို
ပြောတဲလူဟာ အသိဥာဏ်နည်းလို့  ပြောတာပါတဲ့။ ဒီခန္ဓာကိုယ်ဆိုတာ အစဉ် အမြဲပဲ သူ့ မှာ
ဒုက္ခဝေဒနာတွေ ရှိနေတာပဲနော်၊ သွားလာလုပ်ကိုင်လို့  ဖြစ်နေသေးလို့ တာ သူ့ ကို ရောဂါလို့ လဲ နာမည်
တပ်မနေတော့ဘူး။ ဆေးရုံလည်းတက်စရာမလိုဘူး။ ဆရာဝန်လည်းပြစရာ မလိုဘူး။
ဒါပေမယ့် မအီမသာဖြစ်တဲ့သဘောတွေဟာ ခန္ဓာကိုယ်မှာ အမြဲတမ်းရှိနေတယ်။
ရင်ထဲကပူသလိုလို မောသလိုလို တစ်ခါတလေ ခေါင်းထဲကမူးသလိုလို၊ ဒီလိုဟာတွေဟာ
အနည်းနဲ့ အများ လူတိုင်းမှာရှိနေတယ်။ ငယ်ရွယ်တဲ့ လူတွေက ဒီလောက် မသိသေးဘူး။ စိတ်တွေက
တက်ကြွတဲ့လူတွေဆိုတော့ ခန္ဓာကိုယ်ကလည်းလှုပ်ရှားရတဲ့အရွယ်၊ Active ဖြစ်တဲ့အရွယ်ဆိုတော့
သတိမပြုမိလိုပါ။ လုပ်စရာ ကိုင်စရာတွေ များနေတယ်။ ကိုယ်လုပ်ချင် ကိုင်ချင်တာတွေကိုပဲ
သိပ်အာရုံစိုက်ပြီးတော့ စိတ်ဝင်စားပြီးတော့ Involve ဖြစ်ပြီးတော့ လုပ်နေရတာဆိုတော့ ခန္ဓာကိုယ်မှာ
ဖြစ်ပေါ်နေတဲ့ မအီမသာမှုတွေကို သိပ်ပြီး အရေးမစိုက်နိုင်ကြဘူး။
မွေးခါစကတည်းက မအီမသာတဲ့သဘောက ရှိနေသေးသားပဲ။
ဒီမအီမသာဆိုတဲ့သဘော၊ မသက်မသာဆိုတဲ့သဘောကိုပဲ Disease လို့  ခေါ်တာပါ။
ရောဂါအမည် မတပ်သေးလို့ သာ။ ဒီခန္ဓာကိုယ်ထဲက မအီမသာသဘောကို
အမြဲတမ်းလိုလိုပဲ ပြုပြင်ပြောင်းလဲပေးနေလို့ သာ နည်းနည်းလေး နေသာတာပါ"
ထိုစကားအပေါ် အခြေခံ၍ သူ့ ကို ကျွန်တော် အားပေးရပေမည်။ သူကရောဂါတစ်ခုရှိပြီဟု
ဆိုင်းဘုတ်အတပ်ခံလိုက်ရသူ။ ကျွန်တော်တို့ ကဆိုင်းဘုတ်မရှိသေးသည့် ပုဂ္ဂိုလ်တွေပဲဟု ဆိုကြပါစို့ ။
ဆိုင်းဘုတ်အတပ်မခံရသေးသည့် ကျွန်တော်တို့ တွင်လည်း ရောဂါဝေဒနာပေါင်းစုံ ပိုးမွှားပေါင်းစုံတို့ သည်
ခန္ဓာကိုယ်ထဲ နေရာအနှံ့ ရှိနေပေလိမ့်မည်။ သူ့ ထက်လည်း ဆိုးလျှင် ဆိုးသွားနိုင်သည်။ ဘာမှ မသေချာ။
သို့ သော် သူ့ ဆိုင်းဘုတ်က ခေတ်ပေါ်ဆိုင်းဘုတ်။ တနည်းအားဖြင့်
ကုစရာဆေးမရှိသေးသည့် ရောဂါဟုဆိုသည့်အတွက် ထိုအရှိန်ကြောင့် လူတွေ ကြောက်နေကြခြင်းပါပေ။
သို့ သော် ကုစရာဆေးရှိသည့် ရောဂါများနှင့်ပင် ကွယ်လွန်သူတို့ လည်း ရှိခဲ့ကြပြီးပေပြီ။
အသေအချာ ဂရုတစိုက်ကုစားလျက်ကပင် တိမ်းပါးခဲ့သူတွေလည်း ရှိခဲ့ကြပြီးပြီ။
လူတို့ ၏ ခန္ဓာကိုယ်ပေါ်မှရောဂါဘယတွေကို ကုစားပေးရင်း အသက်ကယ်နေကြသည့်
ဆရာဝန်တွေပင်လျှင် ထိုရောဂါဘယတွေ သူတို့  ခန္ဓာထဲ နေရာယူလာသောအခါ
သူတို့ အသက်ကို သူတို့ မကယ်နိုင်ကြတော့။ ဘာမျှမမြဲ၊ ဘာမျှအစိုးမရ၊
သူ့ သဘောသူဆောင်လာသည့်သေခြင်းတရား၊ မရင်ဆိုင်လိုသော်လည်း ရင်ဆိုင်ရပေမည်။
ရုတ်တရက်ဆိုလျှင် ကျွန်တော့်သူငယ်ချင်းသည် သေမိန့် ကျပြီးသူဟု ထင်ရပေမည်။
သေဖို့ ရက် အတိအကျ သတ်မှတ်ခံလိုက်ရသူကဲ့သို့  ရှိပေမည်။ ခန့် မှန်းခြေအရ
သည်ရောဂါကြောင့် သည်နှစ်အပိုင်းအခြားအတွင်းမှာ သေရတော့မည်ဆိုလျှင် မသေမီ ဘာလုပ်မည်နည်း။
ရသည့်အချိန်အတွင်း ကိုယ့်ဘ၀ရဲ့ အချိန်တွေကို ဘယ်လို အကျိုးရှိအောင် အသုံးချသွားမည်နည်း။
"အဆိုးတွေကို ထိုင်တွေးပြီး စိတ်ဓာတ်ကျနေရင် စိတ်ဓာတ် အင်အားတွေကုန်မယ်။
ခန္ဓာကိုယ်အင်အားတွေကုန်မယ်။ မလုပ်ချင် မကိုင်ချင်ဖြစ်ပြီး ညှိုးနွမ်းနေမယ်။
အဲဒီလို စိတ်ဓာတ်ကျနေတဲ့ သူနဲ့ တွေ့ ရရင် တခြားလူတွေပါစိတ်ဓာတ်ကျတတ်တယ်။
တတ်နိုင်သလောက် အကောင်းဘက်ကနေ ကြည့်ပြီးတော့
လုပ်နိုင်သလောက်လုပ်နေရင် ကိုယ့်အတွက်လည်း အကျိုးရှိတယ်။ သူများအတွက်လည်း
အကျိုးရှိတယ်။ တရားအားထုတ်တဲ့သူ ကိုယ့်စိတ်ကို ကိုယ်ကောင်းကောင်းသိတဲ့သူဟာ
စိတ်ဓာတ်ကျခဲတယ်။ အဆိုးနဲ့ တွေ့ ရလည်း အဆိုးထဲက အကောင်းကိုရအောင် ယူတတ်တယ်။
ဒါကြောင့် အမြဲသတိနဲ့ နေတဲ့အကျင့်ကို လုပ်နေမှာသာ ဘ၀အတွေ့ အကြုံအမျိုးမျိုး
ကောင်းအဆိုးအမျိုးမျိုး တွေ့ ရတဲ့အခါ ခံနိုင်ရည်ရှိမယ်။ အကောင်းနဲ့ တွေ့ တဲ့အခါ
ငါမှငါဆိုတဲ့ မာနဖြစ်မသွားဘူး။ အဆိုးနဲ့ တွေ့ ရတဲ့အခါ စိတ်ဓာတ်ကျ
မသွားရဘူး။ ဘယ်လို လောကဓံနဲ့ တွေ့ ရတွေ့ ရ အားလုံးဟာ ရင့်ကျက်မှုကို အထောက်အကူပြုမယ်"
ကျွန်တော်က ကျွန်တော့်သူငယ်ချင်းကို အားပေးရန် တရားစကားတွေရှာဖွေစုဆောင်းနေဆဲမှာပင်
ကျွန်တော့် သူငယ်ချင်းကားက အိမ်ရှေ့ မှာ ဆိုက်လာသည်။
သူ့ ကို ဆရာတော်ဦးဇောတိက ဟောကြားသည့် ဗုဒ္ဓ၏ရင်ခွင်မှာ တရားတိပ်ခွေမှ
အကြောင်းအရာများကို ဖောက်သည်ချရပါမည်။
သူနှင့် ကျွန်တော် စကားတွေ အများကြီး ပြောရပေလိမ့်ဦးမည်
"လာသူငယ်ချင်းလာ"
အိမ်ပေါ်သို့  တက်လာသော သူ့ ကို လှမ်းကြိုလိုက်ရသည်။ သူမျက်နှာမကောင်း၊ခြေလှမ်းတွေက
တုံ့ နှေးနှေး၊ ဘိနပ်ချွတ်နေပုံက ဆုတ်ဆိုင်းဆိုင်း။
ခါတိုင်းဆိုလျှင် "ဟေ့ သူငယ်ချင်းကြီး ဘယ်လိုလဲကွာ ဘာညာ" ဟု ဆိုကာဝုန်းဒိုင်း ဘိနပ်ချွတ်၊
ကမန်းကတန်း အခန်းထဲဝင်လာတတ်သော သူ့ လှုပ်ရှားမှုတွေသည် ယခုတော့...။
ဧည့်ခန်းတွင်း ကုလားထိုင်ပေါ် ထိုင်လိုက်ပုံကလည်း အရုပ်ကြိုးပြတ်။ "ဟူး" ကနဲ မှုတ်ထုတ်လိုက်သော
သက်ပြင်းကလည်း ရှည်လျားလှပါဘိ။ သူ့ ခမျာ ကျွန်တော့်ကိုလည်း မျက်နှာချင်း မဆိုင်နိုင်ပြန်။
ပြုတင်းပေါက်မှနေ၍ ခပ်ဝေးဝေးတစ်နေရာကို ကြည့်နေသည့် သူ့ မျက်လုံးတွင်မျှော်လင့်ချက်မဲ့နေသော
အတွေးတွေ ထင်ဟပ်နေသည်ဟု ကျွန်တော်ထင်သည်။ ကျွန်တော်ကပင် စကားစရသည်။
"ရုတ်တရက်ဆိုတော့ မင်းဘယ်လောက် ခံစားရမလဲဆိုတာ ငါကိုယ်ချင်းစာပါတယ် သူငယ်ချင်း။
တကယ်တော့ ငါ့အနေနဲ့ က အားပေးရုံ နည်းလမ်း ပြောပြရုံဆိုတော့ ကာယကံရှင် မင်းလောက်တော့
မခံစားရဘူးလို့  မင်းပြောမယ်ဆိုရင်လည်းငါခံရမှာပါပဲ။ ဟုတ်တယ် မင်းက ကာယကံရှင်ကိုး။
ငါက ဘေးလူဆိုတော့ ကိုယ်ချင်းစာရုံကလွဲလို့  ကာယကံရှင်လောက်တော့ ခံစားချက် မပြင်းနိုင်ဘူးပေါ့ကွာ"
သူဘာမျှ မပြော။ ငြိမ်နေသည်။ အဝေးတစ်နေရာကို ကြည့်နေသည်။ သူ့ မျက်လုံးတွင်ဘာကိုမျှ
မမြင်မှာတော့ သေချာသည်။ သူ့ စိတ်က ကျွန်တော့်စကားကို နားထောင်နေပေလိမ့်မည်။
သို့ အတွက် မျက်လုံးကိုဖွင့်၍ ကြည့်နေသော်လည်း ဘာကိုကြည့်နေမိမှန်းသိမှာ မဟုတ်သဖြင့်
သူ့ ခမျာ မြင်နေသော်လည်း သိမည် မဟုတ်ပေ။ ကျွန်တော်က လက်ထဲတွင် ကိုင်ထားသော ဓမ္မဒါန
စာအုပ်ငယ်ကလေးကို သူ့ ထံ လှမ်းပေးလိုက်သည်။ ဆရာ ဦးဇောတိက (ပျဉ်းမနား) ဟောကြားချက်ကို
ပြန်လည် ပုံနှိပ်ထားသည့် ဓမ္မဒါနစာအုပ်ကလေး။ (In the lap of the Buddha) ဗုဒ္ဓ၏ ရင်ခွင်မှာ။
(In the lap of the Buddha) ဗုဒ္ဓ၏ ရင်ခွင်မှာ-ဆရာ ဦးဇောတိက (ပျဉ်းမနား)
"မဟာပရိနိဗ္ဗာနသုတ်မှာ ပါဠိလိုဟောခဲ့တဲ့ ဂါထာလေးတစ်ပုဒ်ကို ဒီမှာ အင်္ဂလိပ်လို ဘာသာပြန်ထားတယ်။
အဓိပ္ပါယ်ကလေးက အင်မတန်ရှင်းပါတယ်။ အင်မတန်ရိုးပါတယ်
Be an island into yourself.
ပင်လယ် သမယဒ္ဒရာ အလယ်ခေါင်မှာ ကျွန်းလေးရှိတယ်။ ပင်လယ် သမုဒ္ဒရာမှာလည်း မုန်တိုင်းတွေထ၊
လှိုင်းကြီးတွေထ နေတယ်။ အဲဒီမှာ လူတစ်ယောက်ကလည်း မျောနေတယ် ဆိုပါတော့၊
ကျွန်းကလေးတစ်ကျွန်းမြင်ရင် သူဘယ့်နှယ်နေမလဲ၊ အင်မတန် ၀မ်းသာမယ်၊
ဒီကျွန်းကိုသာ ငါရောက်သွားရင်တော့ ငါဒီဒုက္ခကနေလွတ်ကင်းပြီ၊
အားကိုးရာ အားထားရာရပြီ။ ဆောက်တည်ရာရပြီ။ အဲဒီလိုဖြစ်မှာနော်၊
မိမိကိုယ်ကိုလဲ အဲဒီ လှိုင်းတံပိုးတွေထနေတဲ့ ပင်လယ်သမုဒ္ဒရာထဲက ကျွန်းကလေး တစ်ကျွန်း
သဖွယ်ဖြစ်အောင်လုပ်ပါ။ ကိုယ့်ကိုယ်ကို လုပ်ယူရမှာနော်။ အလိုအလျောက်တော့ ဖြစ်မလာဘူး။
Be your own refuge...refuge ဆိုတာ အားကိုးရာ အားထားရာဖြစ်အောင်လုပ်ပါတဲ့။
ပြီးတော့ Make the Dhamma your island တရားကို မိမိအတွက် ဆောက်တည်ရာဖြစ်တဲ့
ကျွန်းကလေးသဖွယ် ဖြစ်အောင်လုပ်ပါ။
Make no other refuge တခြားဘယ်အရာကိုမှ မိမိအတွက် ကိုးကွယ်ရာ အားထားရာ
မဖြစ်အောင်လုပ်ပါ။ ဒီစကားတွေဟာ အင်မတန် လေးနက်တယ်နော်။
လူဆိုတာ ပြင်ပမှာပဲ ကိုးကွယ်ရာ အားထားရာကြတာ။ အဲဒီလို ဖြစ်အောင် မလုပ်နဲ့ ။
ဒီစကားတွေဟာ အင်မတန်လေးနက်တယ်နော်။ လူဆိုတာ ပြင်ပမှာပဲ ကိုးကွယ်ရာ အားထားရာ
ရှာလေ့ရှိတယ်။ ဗုဒ္ဓဘာသာတရားမှာ ဘုရားက မိမိကိုယ်ကိုပဲ အားကိုးတယ်။ ပြင်ပ ဘယ်သူ့ ကိုမှ
အားမကိုးဘူး။ အဲဒီတော့ အင်မတန် စိတ်ဓာတ် ခိုင်မာ ရင့်ကျက်တဲ့ သူမှသာလျှင် အဲဒီစိတ်ဓာတ်မျိုးထားလို့ 
ရတယ်။ အဲဒီ အလုပ်ကိုလုပ်လို့ ရတယ်။ စိတ်ဓာတ်ပျော့ညံ့တဲ့သူဟာ ကိုယ့်ကိုယ်ကို အားမကိုးချင်ဘူး။
အားကိုးရာကိုပဲ ရှာနေတယ်။ ဘယ်သူ့ ကိုများ အားကိုးရမလဲ။ ကယ်တင်ရှင်၊ တန်ခိုးရှင်၊ အဲဒီလို
လိုက်ရှာနေတာနော်။ အဲဒီတော့ ဗုဒ္ဓဘာသာတရားက ကယ်တင်ရှင်၊ တန်ခိုးရှင် ကိုးကွယ်တဲ့တရား
မဟုတ်ဘူး။တကယ်ပြောမယ်ဆိုရင် ပုဂ္ဂိုလ်ကို ကိုးကွယ်တဲ့တရားမဟုတ်ဘူး။
ဒါကြောင့် မြတ်စွာဘုရားတောင်မှ "တရားကိုသိမှ ဘုရားကိုသိမယ်"
"တရားကိုမြင်မှ ဘုရားကို မြင်မယ်"
"မြတ်စွာဘုရားရဲ့ ခန္ဓာကိုယ်တော်တောင်မှာ သဗ္ဗညုတ ဥာဏ်တော်ရဲ့ ကိန်းဝပ်ရာသာဖြစ်တယ်နော်"
"ဒီစာအုပ်ကို ရေးလိုက်တဲ့ တပည့် သူ့ ဘ၀သူ့ အခြေအနေက သူက အသက်လေးဆယ်ငါးနှစ်လောက်ရှိပြီ။
သူ့ မှာ ကုလို့ မပျောက်နိုင်တော့တဲ့ ရောဂါတစ်ခုလည်း ဖြစ်တယ်နော်၊ အဲဒါကတော့ သေချာတယ်။ ဒီရောဂါ
ဘယ်လိုမှ မပျောက်နိုင်တော့ဘူး၊ ဆရာဝန်တွေကလည်း နှစ်အပိုင်းအခြား၊ ခန့် မှန်းပြီးတော့
ဘယ်လောက်အထိအောင်နေရမလဲပြောတယ်။ အခု သူ ဆရာဝန်တွေ ခန့် မှန်းထားတာထက်
နှစ်တော်တော်ကျော်သွားပြိး အသက်ရှည်ခဲ့တာနော်"
"ဆရာဝန်တွေ ခန့် မှန်းထာက လေးငါးနှစ်လောက်ပဲ နေရတော့မယ်။ ခန့် မှန်းတာကိုး။ ဒီစာအုပ်ကို
ကြည့်တော့ ခုနှစ်က ၁၉၉၄ ခုနှစ်၊ သူ မကျန်းမမာဖြစ်နေတာက ၁၉၈၁ ခုနှစ်ကတည်းက၊ ကြာပြီ။
ဆရာဝန်တွေဟောတာထက် သူက အသက်ပိုရှည်နေတယ်။ အံ့သြစရာပဲ။ သူက ဘယ်လောက်ထိအောင်
ယုံကြည်သလဲဆိုတော့ ဒီအတိုင်းသာ တရားကို ဆက်ပြီး အားထုတ်သွားမယ်ဆိုရင် သူသက်တမ်းစေ့
နေနိုင်လောက်တယ်တဲ့၊ ရောဂါတစ်ခုဖြစ်လာတာနဲ့  ငါတော့ သေတော့မယ်လို့  သူ မယုံကြည်ဘူးတဲ့။
သူ့ ဟာသူ အခုနေခဲ့တာနဲ့ ပဲ ဆရာဝန်ပြောတဲ့အတိုင်း ဖြစ်မလာတော့ဘူးဆိုတာ သူတွေ့ လာပြီပဲ။
သို့ သော်လည်းပဲ ငါမသေတော့ဘူးဆိုပြီး ပေါ့ပေါ့နေတာလားဆိုတော့ မဟုတ်ဘူးနော်။
ငါမသေနိုင်သေးဘူးလို့ ပဲ မျှော်လင့်ချက်ရှိတယ်နော်။ တရားကိုလည်း နေ့ တိုင်း အားထုတ်သွားတယ်။
လုပ်သင့် လုပ်ထိုက်တာတွေလည်း အကုန်လုံး လုပ်သွားတယ်။ အဲဒီတော့ သေမယ်လို့ တွေးပြီးတော့
စိတ်ညစ်ပြီးတော့ လုပ်သင့်လုပ်ထိုက်တဲ့ စီးပွားရေး၊ ကျန်းမာရေး၊ လူမှုရေး၊ ပညာရေး၊ ဘာသာရေး၊
တရားရေးတွေကို မလုပ်ဘဲနေရင်လည်း ဘာမှ အကျိုးမရှိဘူး။ အဲဒီတော့ သေမှာကို တွေးပြီးတော့
စိတ်ဓာတ်ကျနေဖို့  မဟုတ်ဘူး။ သေမှာကို တွေးပြီးတော့ အချိန်ရှိတဲ့အခိုက် အဲဒီအချိန်ကို
အကောင်းဆုံးအသုံးချသွားလိုက်ပါ။ သူကိုယ်တိုင် အဲဒါ လုပ်တယ်။"
"ကျေးဇူးပဲကွာ၊ သူငယ်ချင်း မင်းဆီလာတာ အားဆေးတစ်ခွက်သောက်လိုက်ရသလိုပဲ၊
ဒီစာအုပ်ကို ငါသေသေချာချာ ဖတ်မယ်။ ဒီတိတ်ခွေကို ငါသေသေချာချာ နားထောင်မယ်။
ပြီးတော့ ဒီထဲက ဆရာတော်ဟောထားတဲ့လူလို ငါဖြစ်အောင် ကြိုးစားမယ်။
လောကမှာ တစ်ခုလုပ်လို့ 
မရတော့ရင် နောက်ထပ် လုပ်စရာ အများကြီး ရှိနေသေးတယ်ဆိုတာ ငါသဘောပေါက်ပြီကွာ"
သူ့ အသံသည် လှိုဏ်သံပါ၍ အားကောင်းနေသည်။ ဟိုစဉ်တစ်ခါတုန်းကတည်းက အသံမျိုးမဟုတ်တော့။
ဘာပဲဖြစ်ဖြစ် ကျွန်တော်ကတော့ သူ့ စိတ်ကို တည့်လာအောင် အားကောင်းလာအောင်
လုပ်ပေးရကျိုးနပ်ပေတော့မည်။ သူ ကျွန်တော့်ကို နှုတ်ဆက်၍ ထွက်သွားသည်။ သူ့ ခြေလှမ်းများသည်
လာတုန်းကလို မဟုတ်တော့၊ အတော်အတန် သွက်လက်သွားပေပြီ။
သည်တိပ်ခွေကို နားထောင်ရင်း တရားနာကြားခဲ့စဉ်က ကျွန်တော် သတိထားမိခဲ့သော စာပိုဒ်လေးတစ်ပိုဒ်ကို
ကျွန်တော့် သူငယ်ချင်းဖြစ်သူသည် သူ့ အိမ်မှာ နားထောင်ရင်းမှ အထပ်ထပ် အခါခါ
ဆင်ခြင်နှလုံးသွင်းနိုင်ပါစေဟု ဆုတောင်းနေမိပါတော့သည်။
"I know that I would like to die with full elarity of mind.
This feeling is very important."
သေတဲ့အချိန်မှာ မတွေမဝေ၊ ကြည်ကြည်လင်လင် ပြည့်ပြည့်၀၀ သိနေတဲ့စိတ်နဲ့ သေချင်တယ်ဆိုတာ
ကျွန်တော် သေသေချာချာ သိပါတယ်။ ဒါဟာ သိပ်အရေးကြီးတယ်လို့  ခံစားရပါတယ်။
သေခါနီးမှာ သတိကောင်းကောင်းနဲ့  ခန္ဓာမှာဖြစ်တာ စိတ်မှာဖြစ်တာကို ရှုသိပြီး သေရတာ
အကောင်းဆုံးဖြစ်ပါတယ်။ အဲဒီလို သေခါနီးမှာ သတိကောင်းဖို့ ဆိုတာက မသေခင်
နှစ်ပေါင်းများစွာကတည်းက ကြိုတင်လေ့ကျင့်ထားမှ ဖြစ်နိုင်မယ်။ ဒါကြောင့် အမြဲတမ်း အတတ်နိုင်ဆုံး
သတိကောင်းကောင်းနဲ့  ကြည်ကြည်လင်လင် သိနိုင်အောင်ကို သိနေတဲ့ အကျင့်ကိုလုပ်ထားရမယ်။
ဒါဟာ မသေခင်မှာ အကောင်းဆုံးနေနည်းဖြစ်ပြီး သေခါနီးမှာ အကောင်းဆုံး သေနည်းဖြစ်ပါတယ်။
သေခါနီးမှာ သတိကို အားကိုးရမယ်။ သတိရှိမှ ခန္ဓာမှာ ဖြစ်ပျက်တာကို သိနိုင်မယ်။
အနတ္တကိုသိရင်းနဲ့  သေရတာ ကောင်းတယ်။ အတ္တစွဲနဲ့ သေရတာ ဆင်းရဲတယ်။
အမြဲတမ်း အနတ္တကို ဥာဏ်မှာ မြင်နေအောင် နှလုံးသွင်းတဲ့ အလေ့အကျင့်ရှိအောင် ကြိုးစားပါ။
(စာရေးသူ - မြသန်းစံ)
